ໃນວັນທີ 3 ສິງຫາ 2026 ທີມງານບໍລິສັດໄດ້ລົງພື້ນທີ່ເພື່ອແນະນຳ ແລະ ອົບຮົມການນຳໃຊ້ລະບົບບໍລິຫານໂຮງຮຽນ CIT School ໃຫ້ແກ່ຄະນະບໍລິຫານ ແລະ ພະນັກງານຂອງໂຮງຮຽນຍຸດໃໝ່.
ໃນການອົບຮົມຄັ້ງນີ້ ທີມງານໄດ້ແນະນຳຂັ້ນຕອນການເຂົ້າໃຊ້ລະບົບ, ການຕັ້ງຄ່າຂໍ້ມູນພື້ນຖານຂອງໂຮງຮຽນ, ການສ້າງຫ້ອງຮຽນ, ການນຳເຂົ້າຂໍ້ມູນນັກຮຽນ, ຂໍ້ມູນຄູ–ອາຈານ ແລະ ຂໍ້ມູນທີ່ຈຳເປັນຕ່າງໆເຂົ້າສູ່ລະບົບ.
ພ້ອມກັນນັ້ນ ທີມງານຍັງໄດ້ສາທິດວິທີການນຳໃຊ້ແຕ່ລະໂມດູນ, ການກວດສອບຂໍ້ມູນ, ການແກ້ໄຂຂໍ້ມູນ ແລະ ການຈັດການວຽກງານພາຍໃນໂຮງຮຽນໃຫ້ມີຄວາມສະດວກ, ວ່ອງໄວ ແລະ ເປັນລະບຽບຫຼາຍຂຶ້ນ.
ບັນຍາກາດໃນການອົບຮົມເປັນໄປດ້ວຍຄວາມສົນໃຈ ແລະ ການຮ່ວມມືທີ່ດີ. ຜູ້ເຂົ້າຮ່ວມໄດ້ທົດລອງປ້ອນຂໍ້ມູນ ແລະ ຝຶກນຳໃຊ້ລະບົບຕົວຈິງ ພ້ອມທັງສອບຖາມບັນຫາ ແລະ ຂໍ້ສົງໄສຕ່າງໆກັບທີມງານໂດຍກົງ.
ບໍລິສັດຂໍຂອບໃຈຄະນະບໍລິຫານ, ຄູ–ອາຈານ ແລະ ພະນັກງານຂອງໂຮງຮຽນຍຸດໃໝ່ ທີ່ໃຫ້ການຕ້ອນຮັບ ແລະ ຮ່ວມມືເປັນຢ່າງດີ. ທີມງານພ້ອມໃຫ້ຄຳປຶກສາ ແລະ ສະໜັບສະໜູນການນຳໃຊ້ລະບົບຢ່າງຕໍ່ເນື່ອງ ເພື່ອໃຫ້ໂຮງຮຽນສາມາດນຳລະບົບໄປໃຊ້ງານໄດ້ຢ່າງເຕັມປະສິດທິພາບ.
ສົນໃຈລະບົບບໍລິຫານໂຮງຮຽນ CIT School ສາມາດເຂົ້າເບິ່ງລາຍລະອຽດໄດ້ທີ່: