ວັນທີ 10 ສິງຫາ 2026 ທີມງານ CIT School ໄດ້ລົງພື້ນທີ່ເພື່ອຈັດອົບຮົມ ແລະ ແນະນຳການນຳໃຊ້ ລະບົບບໍລິຫານໂຮງຮຽນ CIT School ໃຫ້ແກ່ຄະນະບໍລິຫານ, ຄູ-ອາຈານ ແລະ ພະນັກງານຂອງ ໂຮງຮຽນໄຊປັນຍາ.
ໃນການອົບຮົມຄັ້ງນີ້ ທີມງານໄດ້ແນະນຳການນຳໃຊ້ລະບົບຕັ້ງແຕ່ຂັ້ນຕອນພື້ນຖານ ຈົນເຖິງການນຳໃຊ້ແຕ່ລະໂມດູນ ແລະ ຟັງຊັນຕ່າງໆຢ່າງລະອຽດ ເພື່ອໃຫ້ຜູ້ໃຊ້ງານສາມາດນຳລະບົບໄປໃຊ້ໃນການບໍລິຫານໂຮງຮຽນໄດ້ຢ່າງຖືກຕ້ອງ ແລະ ມີປະສິດທິພາບ.
ຫົວຂໍ້ຫຼັກທີ່ໄດ້ແນະນຳ ແລະ ຝຶກປະຕິບັດ ປະກອບມີ:
- ການຕັ້ງຄ່າຂໍ້ມູນພື້ນຖານຂອງໂຮງຮຽນ
- ການຈັດການຂໍ້ມູນນັກຮຽນ
- ການຈັດການຂໍ້ມູນຄູ-ອາຈານ ແລະ ຜູ້ໃຊ້ງານ
- ການຈັດການຫ້ອງຮຽນ ແລະ ຂໍ້ມູນດ້ານວິຊາການ
- ການເຊັກຊື່ ແລະ ຕິດຕາມການເຂົ້າຮຽນ
- ການບັນທຶກ ແລະ ຈັດການຄະແນນ
- ການຈັດການຄ່າຮຽນ ແລະ ຂໍ້ມູນການເງິນ
- ການບັນທຶກ ແລະ ຈັດການລາຍຈ່າຍ
- ການກວດສອບຂໍ້ມູນ ແລະ ລາຍງານຕ່າງໆ
- ການນຳໃຊ້ Function ຕ່າງໆພາຍໃນລະບົບ ພ້ອມຝຶກປະຕິບັດຈາກການໃຊ້ງານຈິງ
ພ້ອມກັນນີ້ ທີມງານຍັງໄດ້ຕອບຄຳຖາມ, ແນະນຳວິທີແກ້ໄຂບັນຫາໃນການໃຊ້ງານ ແລະ ຮັບຟັງຄຳແນະນຳຈາກທາງໂຮງຮຽນ ເພື່ອນຳໄປປັບປຸງ ແລະ ພັດທະນາລະບົບໃຫ້ສອດຄ່ອງກັບການນຳໃຊ້ງານຈິງຫຼາຍຂຶ້ນ.
ການອົບຮົມຄັ້ງນີ້ ເປັນອີກໜຶ່ງກ້າວສຳຄັນໃນການນຳເອົາເຕັກໂນໂລຊີດິຈິຕອນມາຊ່ວຍໃນການບໍລິຫານຈັດການໂຮງຮຽນ ເພື່ອໃຫ້ການຈັດການຂໍ້ມູນມີຄວາມສະດວກ, ວ່ອງໄວ, ເປັນລະບຽບ ແລະ ສາມາດກວດສອບຂໍ້ມູນໄດ້ງ່າຍຂຶ້ນ.